Anuncios
Ticker de novas

Carlos Abal: “Queremos facer de Nigrán un lugar agradable para vivir e traballar”

FOTO: ALBERTO RODRÍGUEZ // Presentación de Carlos Abal Valverde.

Nun salón abarrotado, no Hotel Miramar, Carlos Abal Valverde foi presentado oficialmente o venres como candidato do Partido Popular de Nigrán. Estivo arroupado polo presidente provincial, Alfonso Rueda, a ex ministra Ana Pastor, o coordinador comarcal, Jesús Vázquez Almuiña, e a presidenta local, María José Pino, ademais de deputados, senadores, alcaldes, portavoces, militantes e simpatizantes.

Abal é para o PP “o mellor candidato” co “mellor equipo” e “o mellor para que Nigrán volva ter o alcalde que merece”. Na súa intervención, sinalou que o primeiro e principal motivo que lle impulsou a tomar a decisión de aceptar a proposta da executiva de Nigrán e do partido para liderar a candidatura á alcaldía é “ter a oportunidade de facer cousas importantes e non tan importantes polo ben común deste concello”.

“Queremos facer de Nigrán un lugar agradable para vivir e traballar, onde as familias teñan a mellor asistencia e residencia, en consecuencia, que sexa atractivo para moitos mozos”, engadiu. Quixo destacar tamén a “gran xenerosidade” da presidenta local “ao concederme o seu apoio incondicional e a súa lealdade ao partido”. “Ademais -continuou Abal-, contamos cun equipo no que a colaboración é o seu referente. Todo por un obxectivo que compartimos: conseguir a alcaldía de Nigrán”.

A dirección provincial do Partido Popular aceptou a proposta que a executiva local trasladoulle de forma unánime no mes de xullo, ao considerar a Carlos Abal como a persoa máis idónea para encabezar a lista do Partido Popular nas próximas eleccións municipais e capaz de recuperar a alcaldía.

Carlos Javier Abal Valverde, nacido en 1960 na parroquia de San Pedro e empresario vinculado ás Tecnoloxías de Información e Comunicación, é actualmente o presidente da Asociación de Empresas de Tecnoloxía de Galicia. Está vinculado ao Partido Popular desde hai 40 anos. É ademais fillo e xenro de dous dos fundadores do partido en Nigrán, José Luis Abal Barros e José Lino Fernández Alonso. Formou parte da candidatura de Alfredo Rodríguez Millares e foi o presidente do Congreso Local de 2017 no que resultou elixida presidenta local María José Pino.

A presentación do que será a cabeza de lista do PP en Nigrán é o primeiro dos actos de presentacións de candidatos que o Partido Popular ha previsto realizar por toda a provincia durante os meses de setembro e outubro.

El pase de diapositivas requiere JavaScript.

Anuncios