Este fin de semana celébranse en Praia América, en Nigrán, as grandes festas na honra da Virxe do Carme, que arrancarán o sábado 28 de xullo cunha verbena amenizada polas orquestras Ledicia Espectáculo e Enigma.
O domingo 29 ás 10:00 da mañá entrada e pasarrúas da Agrupación Musical de Belesar. Ás 12:00 do mediodía comezará a Misa Solemne no campo de fútbol de Lourido seguida de procesión acompañada pola citada Banda de Música. Pola noite, a verbena estará amenizada pola orquestra Ceniza Band e o grupo Limón.
O luns 30 ás 17:00 horas celebraranse as grandes cucañas para os nenos. Ás 22:30 horas comezará a verbena fin de festa coa actuación das orquestras Costa Dorada e Passarela. Ás 00:00 horas será a gran tirada de lumes de lucería.
O martes 31 celebrarase o Día do Neno e a Nena.
