Este venres 4 de maio continúa o II Ciclo de Concertos do IES Auga da Laxe, en Gondomar, organizado polo Departamento de Música do centro, dirixido por Sergio Álvarez, que se celebra o primeiro venres de cada mes, de febreiro a xuño.
O cuarto grupo será Tradisón, de folk galego, formado por Aitor Álvarez (tambor, requinta, gaita, pandeiro e voz), Luca da Silva (bombo-chis, clarinete, gaita, pandeiro e voz), David Iglesias (gaita, pandeiro, tambor, percusións miúdas e voz), Verónica Sousa (gaita, bombo-chis, pandeiro, percusións miúdas e voz) e Xurxo Terrible (acordeón, zanfona, gaita, tambor, cántaros e voz).
O concerto comezará ás 20:30 horas no Salón de Actos do Instituto. Donativo 5 euros. Apertura de portas ás 20:00 horas. Ademais, haberá servizo de cafetería e merchandising.
