A Asociación Cultural San Vicente de Mañufe convoca o III Certame Literario “Verbas Novas”. Haberá dúas modalidades, relato curto, para nenos e nenas de 4º de Primaria ata 4º da ESO, e poesía, para maiores de 16 anos. A data límite de entrega das obras é o venres 4 de maio, e a entrega de premios e lectura das obras o 17 de maio ás 19:00 horas. Os premios en relato curto serán de 80 euros para o primeiro, 60 para o segundo e 40 para o terceiro, mentres que na modalidade de poesía, o gañador levará 150 euros, o segundo 100 e o terceiro 70 euros. Os interesados en participar poden recoller as bases no Centro Cultural.
