Anuncios
Ticker de novas

Terceira praza para Alberto Meira e José Murado no 34º Rally de Noia

Alberto Meira no Rally de Noia.

Desde a noite do pasado venres 13 de abril, en que unha superespecial urbana marcaba o inicio da proba, comezaba en Noia a segunda proba do Campionato Galego de Rallies, que lembremos iniciouse semanas antes no Rally da Coruña, onde Alberto Meira lograba a cuarta posición. O piloto de Gondomar acudía a esta segunda proba con ánimo de non fallar e ante todo sumar puntos, nunha proba onde consideraba que “o tipo de tramos e de asfalto é, a priori, máis favorable a outro tipo de vehículo que ao noso, de tal forma que a nosa formulación era desde un primeiro momento o saír a un ritmo seguro, sen cometer fallos pero á expectativa do que puidesen facer os nosos rivais”.

Iso non impedía a Meira e o seu copiloto José Murado a despregar todas as súas habilidades, para entrar desde un primeiro momento na loita polos primeiros postos, perseguindo a Iago Caamaño e Víctor Senra, que se situaron por diante ao comezo da carreira. A sección de tarde resultaría decisiva, pois en palabras do propio Meira “a choiva sorprendeunos con pneumáticos de seco, que aínda que funcionaron relativamente ben, non eran desde logo o óptimo nesas condicións, e por tanto quedamos totalmente distanciados do dúo de cabeza, aos que hai que felicitar polo moito que correron. De aí en diante decidimos asegurar a terceira praza e seguir sumando puntos, que de aquí a final de ano poden ser moi importantes. Agora queda esperar a citas máis favorables, e de feito a próxima fainos moi ilusión, por tratarse do Rally Rías Baixas onde correremos ante a nosa xente, e do que teño excelentes recordos”.

CLASIFICACIÓN 34º RALLY NOIA

POS PILOTO-COPILOTO VEHÍCULO TEMPO
Caamaño-Rodríguez Ford Fiesta R5 58:58,0
Senra-Vázquez Ford Fiesta R5 1:00:06,8
Meira-Murado Mitsubishi Lancer Evo X 1:01:32,7
González-Piris Skoda Fabia S2000 1:03:00,3
Costa-Vilaça Citroën DS3 R5 1:03:05,7

(Hasta 100 clasificados)

ASÍ VAI O CAMPIONATO GALEGO

POS PILOTO VEHÍCULO PUNTOS
Iago Caamaño Ford Fiesta R5 441
Víctor Senra Ford Fiesta R5 335
Alberto Meira Mitsubishi Lancer Evo X 317
Iván Ares Hyundai i20 R5 245

(Clasificación non oficial, pendente confirmación FGA)

Anuncios