O Obradoiro de Emprego Terras do Miñor VI, promovido pola Mancomunidade de Concellos do Val Miñor e subvencionado pola Consellería de Economía, Emprego e Industria e o Fondo Social Europeo, convida o empresariado de hostalería da comarca a unha xornada de portas abertas onde poderán gozar dun aperitivo servido e elaborado polos alumnos-traballadores de Servizos de Restaurante e Operacións Básicas de Cociña.
Será este xoves día 8 de marzo ás 12:30 horas no Colexio de Panxón, co obxectivo de que comproben directamente os coñecementos e destrezas aprendidas polos alumnos-traballadores, para que nun futuro poidan conseguir un posto de traballo nalgún dos establecementos hostaleiros do Val Miñor. Os interesados en participar poden confirmar a súa asistencia no teléfono 648 88 77 77 ou a través do correo electrónico oeterrasdominor.vi@gmail.com.
