“Árbores de Cinza” para repoboar os montes de Chandebrito

FOTO: GALICIA AMBIENTAL // Víctor Vidal, Presidente da Asociación de Veciños de Chandebrito, suxeitando unha bolsa coas cinzas dunha árbore queimada.

O pasado mes de outubro, Galicia sufriu a peor vaga de incendios da década con máis de 200 incendios declarados, orixinando o desaloxo das súas casas a máis de 4.000 persoas e queimando ao redor de 48.000 hectáreas; máis que en 2014, 2015 e 2016 xuntos.

Desde a Asociación Galicia Ambiental puxeron en marcha unha campaña co obxectivo de sensibilizar e repoboar. Sensibilizar á poboación dos riscos ambientais dos incendios forestais, a importancia de recuperar o monte con especies autóctonas e o seu coidado. Repoboar o monte con especies de valor engadido e que ademais contribúan a romper superficies futuras de mono cultivo, actuando como elementos de contención do lume e achegadores de biodiversidade. Prevención e sensibilización serán, a partir das plantacións, as ferramentas fundamentais para evitar un novo “outubro de lume” como o que arrasou Galicia en 2017 e que ten en Chandebrito o seu “quilómetro 0”.

Chandebrito, de considerable dispersión poboacional, conta con 570 habitantes e 230 hectáreas das que 220 son forestais e 200 arderon en outubro. Co lume perdeuse a práctica totalidade da masa forestal desta singular parroquia de Nigrán. Simboliza a traxedia ambiental e humana (con dúas persoas falecidas e numerosas perdas materiais) vivida en Galicia polos incendios.

A campaña, denominada “Árbores de Cinza”, comezou o pasado 15 de decembro e ten como horizonte o 28 de febreiro. O obxectivo “inicial” é alcanzar a compra e plantación de 2.000 árbores, o que supón un investimento de 12.000 €. Iso inclúe a compra e plantación de especies autóctonas certificadas (Carballo, Castiñeiro, Sobreira – alcornoque galego – e algúns exemplares de Piñeiro Piñonero para facilitar o retorno das poboacións de ardilla á zona).

Todas as xestións serán previamente concertadas coa Comunidade de Montes de Chandebrito, que terá sempre a última palabra sobre datas, porcentaxes de especies, provedores, organización do evento de entrega e plantación, etc…). Así mesmo realizaranse “entregas directas” a veciños o día do acto de peche da campaña (previsiblemente na segunda quincena do mes de marzo, con presenza de doantes, veciños e colaboradores).

ÁRBORES DE CINZA
FOTO: GALICIA AMBIENTAL // As «Ábores de Cinza».

Unha cuarta parte das 2.000 árbores serán financiados por particulares, a través da “compra” de cinzas, cunha achega mínima de 10 €. Ata o momento recadáronse 1.777 € grazas a 110 achegas. O resto será mediante doazón directa de empresas e asociacións (profesionais, ANPA, etc…). Esta segunda fase da acción presentouse este venres en Madrid, cun acto no Colexio Arcadia, da serra madrileña, cuxos alumnos e profesores decidiron “doar” os seus aforros escolares a esta iniciativa.

Unha doazón dun cheque por valor de 2.000 euros do que fixo entrega o presidente do colexio, César Cimbrón. Un acto que propiciou que máis dun milleiro de alumnos coñecesen de primeira man os efectos dos lumes forestais nas intervencións de representantes do colectivo Galicia Ambiental e do Presidente da Comunidade de Montes de Chandebrito, Víctor Vidal.

Cara ao mundo empresarial realizarase unha segunda presentación, en Barcelona, coa recepción dunha doazón dunha importante empresa de fabricación e reciclaxe, a próxima semana. Con iso ábrese un período de “doazóns deducibles fiscalmente” durante o mes de febreiro de 2017, de empresas ou asociacións a esta importante causa.

Galicia Ambiental creou unha páxina web (www.arboresdecinza.es) na que se pode acceder a toda a información da campaña e entender o alcance da traxedia na que miles de árbores queimáronse nos incendios. Unha vez realizada a compra, a través dunha doazón na plataforma www.migranodearena.org, recibirase o que deixaron os incendios: as cinzas da árbore que se comprou.

As cinzas da madeira resultan ser un fertilizante natural moi potente, co cal, poden usarse para darlle vida ás plantas. Desta maneira, todos teremos un pouco de Galicia nas nosas casas.

ÁRBORES DE CINZA
FOTO: GALICIA AMBIENTAL // Rossy, coordinadora do GES, suxeitando unha bolsa coas cinzas dunha árbore queimada.

Anuncios