Este pasado fin de semana celebrouse no centro dotacional de Torroso, o IV Torneo de Nadal Xadrez Mos Sub-2200, a seis roldas, cun tempo de 60 minutos e un incremento de 30 segundos por movemento; cunha participación de 85 xadrecistas, onde os representantes do Club Laroca de Nigrán obtiveron uns grandes resultados, conseguindo o primeiro e segundo posto da xeral.
A baionesa Mireya Represa obtivo o primeiro posto con seis puntos de seis posibles, o segundo posto da xeral foi para o gondomareño Artai Bringas con 5 puntos de seis posibles, terminando invicto e cedendo dúas táboas cos Nº 2 e 3 do ranking inicial.
Jorge Carneiro rematou no posto 26 con 3,5 puntos, Ana Fernández Carneiro rematou no posto 43 con tres puntos e Ricardo Fernández López rematou no posto 58 con 2,5 puntos.
O vindeiro fin de sema celebraranse en Vilagarcía os campionatos provinciais onde o Laroca terá representación.
