Zoraida Estévez Pérez faleceu este luns aos 100 anos de idade. Veciña do barrio da Rotea, na parroquia de Camos, era unha das máis lonxevas do municipio. O pasado mes de xuño celebraba o centenario coa visita do alcalde de Nigrán, Juan González, representantes da Asociación de Veciños de Camos, da Comunidade de Montes e do Centro Cultural.
Os seus restos mortais descansan na Sala 1 do Tanatorio do Miñor, en Sabarís, desde onde sairá a comitiva fúnebre mañá martes ás 16:30 horas dirección Camos. Xa na Igrexa Parroquial de Santa Eulalia oficiarase o funeral ás 16:45. A continuación será enterrada no Panteón Familiar.
Zoraida naceu o 28 de xuño de 1917 na mesma casa na que vivía coa súa filla Carmen; ten 3 fillos (un xa falecido), 11 netos, 14 bisnietos e 3 tataranietos. De carácter alegre e tranquilo, Zoraida era unha veciña moi querida no seu barrio.
