O vicepresidente da Xunta de Galicia, Alfonso Rueda, clausurou na mañá do venres Ibernáutica, ciclo congresual náutico da Semana Abanca que se desenvolveu ao longo das dúas últimas xornadas no Parador de Baiona, organizada polo Comité Organizador da Semana Abanca e o Monte Real Club de Yates de Baiona, e contou co apoio da Xunta de Galicia, Vanguard, Ronaútica Marinas, Coca Cola e Lexus.
Na súa intervención, puxo en valor o papel da náutica deportiva de fronte ao desenvolvemento do turismo sustentable en Galicia. Ademais, destacou que os deportes náuticos exercen tamén como elemento diferenciador da nosa comunidade e fomentan, á súa vez, hábitos de vida saudables e o respecto á natureza e ao medio ambiente.
En Ibernáutica participaron un centenar de congresistas, a máis diso unha trintena de relatoras de prestixio, como foi o caso a presenza na xornada de peche das directoras xerais de Turismo de Galicia, Nava Castro, e de Baleares, Pilar Carbonell, a dobre medalla de ouro olímpica Theresa Zabell, o responsable nacional de comunicación Gonzalo Márquez, o secretario xeral da patronal do sector náutico ANEN, Elena Rivo, decana da facultade de Turismo de Vigo, Javier Ruiz de Cortázar, José Ignacio Villar ou Carlos Torrado, director xeral da CEACNA, por dar uns exemplos.
Agora tócalle a quenda á vela de cruceiro coa celebración en xornada sabatina para a Lexus Breogán Cup, reservada a barcos cruceiro ORC, que competirán polo sistema contra-reloxo. É dicir as compensacións de tempo daranse de entrada, saíndo os barcos graduados de máis lento a máis rápido, de tal modo que xa se competirá en tempo real. A frota que estará composta por unha vintena de barcos, terá como grandes favoritos pola parte sur ao “Bosch Service Solutions” patroneado por Ramón Ojea do vigués Club Marítimo de Canido, e pola norte do “La Galera” que terá por cana a Joaquín Cobelo do Real Club Náutico da Coruña. A saída ás tres da tarde na baía de Baiona, tendo opción os xuíces a varios percorridos, en función das condicións de vento e mar.
