Xa se está achegando o Samaín e na sesión de contos deste mércores 25 de outubro, na Casa da Lectura, rodarán cabazas. Cris Jácome vaise estrear como contadora cos contos “Corre, corre cabaciña”, “Carabuñas” e “A cociña da bruxa”. Logo faranse móbiles de cabaza ou de bruxa e degustaranse uns deliciosos chupachups fantasmas. A sesión comeza ás 18:00 horas e media hora antes aténdese o servizo de préstamo bibliotecario.
