O Comité de Patinaxe Artística da Real Federación Española de Patinaxe publicaba a pasada semana a relación de patinadores/as que están preseleccionados/as co equipo nacional para o próximo ano.
Entre os 13 galegos preseleccionados están dous patinadores de Gondomar. Xosé Andrés Cruz Alonso e Joel Ribeiro Díaz, nas categorías Cadete e Promoción (Infantil-Alevín) respectivamente, levarán a cabo un programa de seguimento e tecnificación para a súa participación en competicións internacionais.
No caso de Galicia, as sesións de tecnificación desenvolveranse na propia comunidade autónoma co profesorado específico destinado para iso, tal e como vén facendo nos últimos anos.
