O Concello de Nigrán festexa mañá o “Día Internacional da Biblioteca” co contacontos de Raquel Queizás “Romaría” ás 18:00 horas na Biblioteca Municipal (entrada de balde ata completar aforo). Trátase dunha narración oral de 50 minutos con música, teatro e danza dirixido a cativos a partir de 3 anos. Queizás achega aos nenos ao mundo rural e antigo, descubríndolles á maioría un modo de vida descoñecido. Queliña, unha nena de aldea, ten que rematar de apañar as patacas para que a deixen ir á romaría. Alí quedou cos amigos para brincar, bailar e facer carreiras de sacos. Cara á tardiña, antes de que remate a festa, todos os rapaces buscan a avoa Tareixa para que lles conte lendas, lendas para perder o medo. Á velliña xa lle falla a memoria e é moi despistada, pero as historias que escoitou de nena, esas, non as esquece: lendas de mouras encantadas en fontes, historias de sacos que cantan e lendas que seguen mantendo os nenos atentos, abraiados, coa boca aberta, escoitando cómplices.
Artículos relacionados
Baiona repara o parque infantil e a área recreativa da Casa da Navegación
Os traballos levados a cabo no parque temático infantil que emula a proa dunha gran Carabela atenden a unha actuación de urxencia ante a falta de mantemento durante estes últimos catro anos. Os numerosos danos […]
A Xunta achega 9.000 € á Escola de Vela Adaptada do Monte Real Club de Yates de Baiona
O secretario xeral para o Deporte, José Ramón Lete Lasa, vén de asinar co presidente do Monte Real Club de Iates de Baiona (MRCYB) o contrato de patrocinio polo que a Xunta achega á entidade […]
Usuarios do Porto Deportivo de Baiona volven denunciar o mal estado das instalacións
A Asociación de Titulares e Usuarios do Porto Deportivo de Baiona denuncia que a concesionaria das instalacións, pertencente ao grupo construtor COPASA, segue incumprindo as súas obrigacións legais de mantemento en correctas condicións das súas […]