Entre datas da Copa España e no mesmo escenario de Asturias durante o sábado, día 14, celebrouse o torneo nacional de bolos celta por parellas “Torneo da Vendima”, organizado polo club de bolos La Panera. Participaron un total de 42 parellas de Asturias, Galicia e Madrid nas categorías masculina, feminina, xuvenil e veteranos.
A parella formada por Jose Rodríguez e Pablo Rodríguez (pai e fillo), do club de bolos Mañufe, foi a vencedora absoluta do torneo. Javier Pertierra (La Panera) e Jose M. Torres (Bolos San Cibrán) foron os subcampións e Javier e Manuel González de L’Acabose (Asturias) os terceiros clasificados.
A mellor parella feminina foi a formada por Sandra Suárez e Joana Fernández (Asturias), a mellor parella veterana Alfredo Campo e Antonio Menéndez (Centro Asturiano de Madrid), a mellor parella mixta Ivanka Peláez e Felipe Ferreiro (Tineo-Asturias) e o mellor xogador xuvenil Miguel López (Bolos Xove).
