España admira ao mundo e leva o Trial das Nacións de Baiona

FOTO: ALBERTO RODRÍGUEZ // Toni Bou ante o numeroso público.

España adxudícase na súa totalidade o Trial das Nacións, ao proclamarse campións a selección masculina nacional, formada polos número uno e dous do mundo, Toni Bou e Adam Raga, e o terceiro piloto de ránking nacional, Jaime Busto.

Barcelonés, tarraconense e biscaíño, fixeron vibrar a un público entregado, que aguantou de maneira estoica a choiva que fixo acto de presenza ao final da mañá.

Tras o éxito conseguido polas mozas na competición da categoría feminina do sábado, os representantes españois souberon estar ao nivel esperado, mostrando habilidades e destrezas dignas dun gran espectáculo de funambulistas das rochas do mar e a montaña, inimaxinables de superar.

España comezou marcando a diferenza xa na primeira volta, con 5 puntos de penalización na Zona 12, das 15 que conformaban o circuíto na súa totalidade. Con 15 facíao Gran Bretaña e con 20 Xapón.

Na segunda volta non cambiaría a orde do podio, pero si os seus resultados parciais, mellorando España que só penalizaba cun punto na mesma Zona, a 15, rexistrando máis fracasos o resto de nacións.

“Podemos sentirnos orgullosos de todo o que conseguimos. Quixese mostrar o meu agradecemento a todo o equipo ao completo da Peña Moteros Val Miñor, ao resto de clubs e asociacións que nos axudaron e, sobre todo, ás institucións e patrocinadores porque, sen eles, isto non sería posible”, comentaba José Durán, o seu presidente.

Á entrega de premios asistiron o Alcalde de Baiona, Ángel Rodal, que estivo acompañado da Secretaria Xeral para o Deporte da Xunta de Galicia, Marta Míguez; e o Deputado de Turismo da Deputación de Pontevedra, Santos Héctor.

A Peña Moteros Val Miñor rendeu unha calorosa homenaxe aos actuais campións do mundo, a británica Emma Bristow en mulleres; e ao español Toni Bou, na categoría masculina, entregándolles unha fotografía dedicada da escultura fundida en bronce polo escultor José Morales, que rememora a celebración desta gran cita deportiva.

Tamén foron homenaxeados Thierry Michau, Comisionado de Trial da Federación Internacional de Motociclismo, e Ángel Rodal, Alcalde de Baiona.

Anuncios