A parroquia gondomareña de Donas celebra este fin de semana as festas na honra do Doce Nome de Xesús.
O venres 25 de agosto comezará o programa previsto coa Festa da Xuventude, amenizada por Dj kokito.
O sábado 26 ás 10:00 da mañá haberá un pasarrúas do grupo de gaitas Castro da Pedra Moura de Donas, e pola noite, as orquestras Capitol e Ibiza Band amenizarán a verbena.
O domingo 27 ás 10:00 da mañá, entrada da Banda de Música Artística de Arcade en Gondomar. Ás 12:00 do mediodía celebrarase a Misa Solemne seguida de procesión acompañada pola mesma banda de música, que ofrecerá un concerto a continuación. Pola noite, a verbena correrá a cargo das orquestras Passarela e Ritmo Joven.
O luns 28 ás 10:00 da mañá entrada da Banda de Música Agrupación Musical de Belesar, que ofrecerá un concerto ás 12:00 do mediodía. A partir das 17:00 horas celebraranse as tradicionais cucañas e pola noite, as orquestras Olympus e La Phila amenizarán a verbena fin de festa.
