A Coral «Mistura Vocal» ofrece un concerto en Baiona

FOTO: CORAL MISTURA VOCAL

A Coral «Mistura Vocal» de Porriño ofrecerá este sábado día 1 de xullo un concerto na Capela de Santa Liberata de Baiona ás 20:45 horas, con entrada gratuíta.

Composto por unha trintena de cantores de todo o sur de Pontevedra, a Coral «Mistura Vocal» presentouse oficialmente no Nadal de 2014 aínda que leva funcionando como formación dende 2004 baixo o nome Grupo Vogal Santa Eulalia. Está dirixida por Aloia Martínez, profesional de recoñecida traxectoria.

A Concellaría de Cultura do Concello de Baiona apostou por esta actividade para que baioneses e visitantes poidan gozar das voces dos cantores da Coral «Mistura Vocal», grupo que conta cun prestixioso recoñecemento e que leva anos celebrando concertos tanto ao longo da xeografía española así como portuguesa.