Os socialistas de Gondomar piden desculpas nun breve comunicado e rectifican as acusacións proferidas no día de onte contra Josué Villar, concelleiro de CABE, “quen non perdeu ningunha subvención para a Praza de Abastos o ano pasado como se dixo”, afirman. Así mesmo, aseguran que “sentimos o erro e pedimos desculpas tanto ao propio concelleiro como ao seu grupo político CABE, o noso erro non foi intencionado. Quen perdeu a subvención e/ou deixou de pedila o ano pasado, do mesmo xeito que este ano, foi o actual concelleiro de Comercio Xosé Antón Arauxo de Manifesto Miñor”, conclúe a nota.
