A peña madridista “La Séptima” de Baiona celebrou este venres o seu décimo noveno aniversario cunha cea baile no Restaurante Rocamar, en Baredo, á que asistiron afeccionados, socios e amigos do colectivo. Durante a velada brindaron polo trixésimo terceiro título de liga e o décimo segundo Campionato de Europa logrado polo Real Madrid de Fútbol nesta tempada. Despois da entrega de agasallos comezou a festa, que se prolongou ata a madrugada.
