Gondomar abriu este domingo a programación de actos e cultos relixiosos da Semana Santa coa celebración da Procesión da Borriquiña. Este ano, como novidade, incorporou un burro vivo. Tras a bendición de Ramos e Palmas na Praza da Alameda, comezou o percorrido ata a Igrexa Parroquial de San Bieito, onde se celebrou a Misa.
A programación continuará o mércores coa Celebración Penitencial e Eucaristía. Xa o xoves, tras a Celebración da Cea do Señor, terá lugar a Procesión dos Catro Pasos, e o venres a da Esperanza, ao finalizar a Celebración da Morte do Señor. O sábado celebrarase a Solemne Vixilia Pascual, e o domingo a Misa de Pascua e a Procesión do Encontro.
En Mañufe, o Xoves Santo sairá desde a Igrexa de San Vicente a Procesión da Dolorosa, que este ano chegará ata o Cruceiro de Mañufe, na estrada que une Gondomar e A Ramallosa. Outra Procesión, a do Encontro, poñerá fin o domingo á Semana Santa nesta parroquia.
Programación de Semana Santa en Gondomar, Peitieiros e Mañufe
