A naviera Mar de Ons realizará as primeiras viaxes regulares ás Illas Cíes do ano durante a Semana Santa. A compañía ofrecerá un servizo diario ao Parque Nacional Illas Cíes desde o sábado 8 ao domingo 16 de abril.
Como vén sendo habitual nos últimos anos, a naviera prestará servizo ao Parque Nacional Illas Cíes desde os portos de Vigo, Cangas e Baiona. Nos portos de Vigo e Cangas o servizo prestarase desde o sábado 8 ao domingo 16 de abril, e no caso de Baiona as viaxes ás Illas Cíes realizaranse desde o xoves 13 ao domingo 16 de abril.
Sempre que as condicións meteorolóxicas non o impidan, a compañía ofrecerá os seguintes horarios:
PORTO DE VIGO
Saída Vigo – 10:45-12:25-15:30-17:45
Saída Cíes – 13:30-17:00-19:15
PORTO DE CANGAS
Saída Cangas – 10:15-12:00-15:00-18:15
Saída Cíes – 13:30-17:00-19:15
PORTO DE BAIONA
Saída Baiona – 11:00-12:30-16:00-18:00
Saída Cíes – 13:15-17:15-19:00
Como todos os anos nestas datas, os usuarios poderán gozar da promoción especial para familias que ofrece a compañía. Con esta promoción o prezo do billete dos nenos menores de 12 anos será gratuíto. Os billetes poderán adquirirse anticipadamente a través da web http://www.mardeons.com ou chamando ao 986 22 52 72.
