Este fin de semana as mozas de División de Honra da Agrupación Deportiva Vincios xóganse a categoría ante Monteporreiro. O que gañe mantense, o que gañe segue na elite, o que gañe volverá gozar o ano que vén do tenis de mesa con todas as letras.
E para gañar, desde a AD Vincios fan un chamamento a todos os gondomareños para que se acheguen a animar, a aplaudir, a gritar. “Ven, divertiraste e axudarasnos a conseguir o obxectivo”, sinalan.
O encontro disputarase no ximnasio do IES Terra de Turonio en Gondomar, o sábado 1 de abril ás 17:00 horas.
