Máis de 500 persoas participarán na terceira edición da Milla Solidaria Anemia de Fanconi, que se celebrará este domingo en Gondomar.
O evento xorde dunha iniciativa solidaria, xa que toda a recadación irá destinada á Asociación Española de Anemia de Fanconi, entidade organizadora xunto cos Concellos do Val Miñor, e sobre todo, para dar a coñecer esta patoloxía, considerada dentro do grupo de enfermidades raras.
A Asociación escolleu como emprazamento para a celebración desta carreira o entorno do Val Miñor porque en toda Galicia existen catro casos diagnosticados de Anemia de Fanconi, e todos eles están relacionados con familias da comarca.
O circuíto situarase nas inmediacións do Campo de Fútbol das Cercas, cunha distancia que oscilará entre os 100 metros e os 1.609 metros -unha milla-, dependendo da idade dos corredores. Participarán as categorías pitufos, prebenxamín, benxamín, alevín, infantil, cadete, xuvenil, júnior, promesa-sénior e veteranos.
Os dorsais serán facilitados pola organización o sábado 25 de marzo de 16:00 a 20:00 horas no Centro de Desenvolvemento Local de Gondomar e o mesmo día da carreira a partir das 9:30 horas.
Milla pola integración
Por segundo ano, e colaborando estreitamente con varias asociacións, farase unha carreira adaptada en cadeira de rodas á que se denominou “Milla pola integración”, coas modalidades cadeiras eléctricas, cadeiras de rúa e de atletismo.
Dorsal Solidario
Todas aquelas persoas que queiran contribuír coa causa, pero non desexan realizar a carreira, a organización dálles a posibilidade de realizar o donativo no DORSAL 0, cuxo importe irá parar integramente á Asociación Española de Anemia de Fanconi.
Horarios e distancias
Menores
10:30 Xuvenil-Júnior Feminino e Masculino – 1.609 metros
10:40 Cadete Feminino e Masculino – 1.609 metros
10:50 Infantil Feminino – 800 metros
11:00 Infantil Masculino – 800 metros
11:10 Alevín Feminino – 800 metros
11:20 Alevín Masculino – 800 metros
11:30 Benxamín Feminino – 800 metros
11:40 Benxamín Masculino – 800 metros
Milla Federada
11:50 Promesa, Sénior e Veteranos A, B e C Feminino e Masculino – 1.609 metros
Milla Popular
12:00 Promesa-Sénior e Veteranos A, B e C Feminino – 1.609 metros
12:10 Promesa-Sénior e Veteranos A, B e C Masculino – 1.609 metros
Milla pola Integración
12:20 Cadeiras de atletismo – 800 metros
12:30 Cadeiras de rúa – 400 metros
12:40 Cadeiras eléctricas – 400 euros
Menores
12:50 Prebenxamín Feminino – 400 metros
13:00 Prebenxamín Masculino – 400 metros
13:10 Pitufos e pais Feminino e Masculino – 100 metros (Carreira non competitiva)
13:20 Entrega de Trofeos
