Anuncios
Ticker de novas

Turismo de Galicia promove o Camiño de Santiago na principal feira de turismo relixioso de Italia

FOTO: XUNTA DE GALICIA

O Camiño de Santiago está presente como un dos elementos principais da feira de turismo relixioso Koiné, que se celebra desde este sábado e ata o vindeiro día 14 na cidade italiana de Vicenza.

Para a difusión dos valores da Ruta Xacobea neste mercado turístico, Turismo de Galicia instalou un recinto propio no que se darán a coñecer as distintas vías de peregrinación a Compostela, a rede de albergues e outros servizos de apoio ao peregrino, así como a oferta cultural e patrimonial da Comunidade galega.

Nesta feira, aberta tanto aos profesionais do turismo como ao público final, o departamento de Turismo da Xunta de Galicia manterá varias reunións con operadores turísticos especializados e tamén terá a oportunidade de promover o Camiño de Santiago entre o resto de asistentes.

Peregrinos italianos

O italiano é un dos principais mercados internacionais máis importantes para Galicia, principalmente no que se refire ao Camiño de Santiago.

No ano pasado foron 24.149 os peregrinos italianos que recibiron a Compostela, un 8,7% máis que no ano 2015.

Con estes datos, en 2015 e 2016, Italia situouse como o primeiro país estranxeiro que rexistra máis peregrinos achega ao Camiño de Santiago.

Demanda turística

Por outra parte, con preto de 150.000 viaxeiros aloxados e de 215.000 noites nos establecementos de Galicia o mercado italiano sitúase en terceiro lugar en orde de importancia dentro da comunidade, por detrás de Portugal e Alemaña representando en 2016 o 9,4% do total do turismo internacional.

O ano pasado, o mercado italiano presentou incrementou nun 5,1% a súa cifra de viaxeiros aloxados en Galicia e nun 4,1% o nivel de pernoitas do anterior 2015.

O ano 2016 foi o quinto consecutivo no que rexistrouse un crecemento do turismo italiano en Galicia, pasando de 130.000 noites en 2012 a preto de 215.000 en 2016.

Anuncios