O Obradoiro de Emprego “Valmiemprega Xove” ofrece este venres 10 de marzo en colaboración coa Concellería de Turismo de Nigrán o percorrido guiado “Senda do Río Muíños-Praia América-Foz do Miñor”.
A actividade será realizada por alumnos e alumnas da especialidade de promoción turística que se cursa neste Obradoiro, aberta a toda a cidadanía e centrada fundamentalmente nos valores naturais e paisaxísticos desta zona.
O lugar e hora de encontro para a visita guiada será a explanada de Praia América-Lourido (xunto a escola de vela) ás 16:30 horas. Estímase que o itinerario terá unha duración de aproximadamente dúas horas.
Para participar neste percorrido guiado, de carácter gratuíto, os interesados deben apuntarse previamente chamando ao teléfono municipal de atención ao cidadán 986365000, en horario de 8 a 15 horas.
