Máis dun centenar de persoas participaron no Enterro da Sardiña co que Gondomar pechou as actividades do Entroido organizadas pola Concellería de Cultura.
Despois do velorio no Auditorio Lois Tobio, o tempo deu unha tregua e ao final púidose saír á rúa. A comitiva fúnebre percorreu o centro urbano e, tras a lectura das súas últimas vontades, finalmente a Sardiña foi indultada.
