Anuncios
Ticker de novas

Gondomar recupera con éxito as Coplas de Entroido

FOTO: MIRIAM RODRÍGUEZ

Gondomar celebrou con gran éxito de público o I Certame de Coplas de Entroido, organizado polo Centro Cultural e Veciñal de Peitieiros, coa colaboración da Concellería de Cultura, co obxectivo de recuperar esta parte do entroido tradicional galego, o recitado ou cantado de coplas nas que contar os acontecementos do ano cunha mestura de crítica e humor.

Nesta primeira edición participaron tres comparsas, ademais de O Tourón, do propio Centro Cultural de Peitieiros, Animodo de Domaio, representativa desta tradición do entroido no Morrazo, e a decana Os Tarteiras do Casco Vello, elemento imprescindible do entroido vigués.

A composición das coplas debía estar redactada integramente en galego, libre, cun mínimo de 8 estrofas, con interpretación acompañada de música en todo ou en parte. Nas letras non faltaron mencións aos políticos locais, os recortes e incluso a familia real.

Ademais de cantar coplas, as comparsas participantes realizaron un pasarrúas desde a Alameda de Gondomar ata a Praza Ángel Urzáiz, onde se celebrou o certame. Nesta primeira edición non houbo premios materiais, cada agrupación recibiu unha cabaza artesá feita por dous veciños de Mañufe como recordo da súa asistencia.

Concluído o recital, a Asociación de Danza de Gondomar presentou o seu espectáculo Zarpiñas e Miaños na Praza do Concello.

El pase de diapositivas requiere JavaScript.

Anuncios