Anuncios
Ticker de novas

Un estudo de deseño baionés gaña un concurso nacional entre máis de 190 participantes

O Centro Superior de Colexios de Arquitectos de España (CSCAE) con sede en Madrid vestirá a partir de agora logotipo novo. O deseño, proposto por Elena Gimeno e Enrique Pereira, do estudo baionés V&BA, foi recentemente seleccionado como o gañador en concurso nacional que convocou a máis de 190 participantes.

A súa proposta, contida en artificios, axústase como unha luva ao programa proposto desde a organización, achegando unha visión versátil do conxunto e poñendo en valor o compás (vermello) como ferramenta histórica e representativa a esta organización de 88 anos de idade.

Aínda que non é o primeiro concurso de renome que o novo estudo baionés gana, é probablemente este o que de maneira simbólica equilibra a balanza entre identidade, arquitectura e deseño gráfico.

PROPOSTA DE LOGOTIPO CSCAE V&BA

Hai uns meses, V&BA gañou un concurso de deseño para crear un elemento arquitectónico identificativo para os colexios da Xunta de Galicia.

Convocado polo COAG e a Consellería de Cultura, Educación e Ordenación Universitaria, e nun concurso de carácter público, Elena Gimeno saca a relucir a experiencia acumulada tras o traballo de varios anos en diferentes estudos de arquitectura de renome, a medio camiño entre Barcelona, Pamplona e Vigo.

A adaptación á contorna e a modularidade da proposta como claves do éxito.

A proposta gañadora consistiu nun sistema modular que se adapta en tamaño e prestacións segundo as características da contorna e centro educativo, e responde tanto á escala do neno como á do adulto, integrándose na contorna e xerando novas lecturas do espazo de acceso ao centro educativo.

Un dos aspectos que este sistema puido liquidar foi o de non superar o tope de investimento marcado, próximo aos 10.000 euros. A versatilidade da proposta permite engadir, restar ou combinar as pezas de maneira independente, permitindo a súa adaptación ao contexto socioeconómico de cada poboación.

2017-02-10-marquesina-identificativa-xunta-galicia_08-001

Anuncios