Anuncios
Ticker de novas

O bipartito de Gondomar rexeita consensuar cos veciños un plan de obras e servizos nas parroquias

A Deputación de Pontevedra destina este ano ao Concello de Gondomar a cantidade de 940.746,04€. Dos que como mínimo hai que destinar 592.669 a investimentos.

A principios de xaneiro a Coordinadora de Entidades Veciñais de Gondomar meteu por rexistro do Concello unha proposta de actuacións a levar a cabo nas parroquias.

O Grupo Municipal de Gondomar Concello Aberto presentou no Pleno Ordinario de febreiro, celebrado o pasado xoves, unha Moción sobre a Participación Cidadá no Plan Concellos 2017. Obras nas Parroquias.

O acordo proposto ao Pleno era:

O Goberno Municipal de Gondomar consensuará coa Coordinadora de Entidades Veciñais de Gondomar, e con aquelas outras entidades veciñais que presenten propostas, un Plan de actuación de Obras e Servizos nas parroquias.

Este Plan de actuación de Obras e Servizos nas parroquias financiarase con cargo ao Plan Concellos 2017 da Deputación Provincial de Pontevedra.

O Sr. Alcalde dará conta a este Pleno das xestións realizadas ao efecto e traerá a este Pleno o Plan de Obras e Servizos nas parroquias para o seu coñecemento.

A Moción foi rexeitada cos votos en contra do PSOE e Manifesto Miñor, xa que na opinión do bipartito suporía unha intromisión ilexítima da súa acción de goberno. O PP abstívose. IxG votou a prol. Resultado, 6 votos a prol, 7 en contra, 4 abstencións.

“Este é o fomento da participación veciñal da que tanto falou o goberno municipal. Patético e bochornoso. Seguimos instalados no sistema clientelar do poder”, afirma Pauliño del Río, Voceiro do Grupo Municipal de CABE.

Anuncios

Deja un comentario

Tu dirección de correo electrónico no será publicada.

Este sitio usa Akismet para reducir el spam. Aprende cómo se procesan los datos de tus comentarios.