Unha persoa tivo que ser rescatada tras caer ao mar cando estaba remando na Guarda. O varón, desorientado, caeu á auga en repetidas ocasións.
Minutos despois das 18:00 horas, un particular chamou ao 112 Galicia para informar dunha persoa sobre unha táboa de pádel surf que caera á auga, preto da praia de Lamiña, e non era quen de subir de novo.
Desde o 112 Galicia avisouse ao Servizo de Urxencias Sanitarias de Galicia-061, Bombeiros do Baixo Miño, Grupo Acuático dos GES da Guarda, Policía Local e Garda Civil de Pontevedra. Tamén tivo constancia dos feitos a Comandancia Naval do Miño.
Logo de que se mobilizasen os servizos de emerxencias e conseguisen localizar á persoa, xa de novo sobre a súa táboa, esta foi auxiliada polos membros do GES ata a ribeira portuguesa, atopándose en bo estado.
