A parroquia nigranesa de San Pedro da Ramallosa celebra esta fin de semana as festas na honra do seu patrón. O programa previsto arrancará o venres 28 de xuño cunha verbena amenizada pola orquestra Capitol e o trío Azar.
O sábado día 29 ás 10:30 da mañá comezará un pasarrúas desde a Panadería Pintora de Nigrán a cargo da Agrupación Musical de Belesar. Ás 12:00 horas celebrarase a Misa Solemne seguida de procesión acompañada pola mesma Banda de Música, que ofrecerá un concerto ao finalizar. Ás 19:00 horas actuará o Mago Golden Magic, e a partir das 22:30 horas, a verbena estará amenizada pola orquestra Magos e o grupo América de Vigo.
O domingo 30 de xuño a partir das 17:30 horas haberá animación infantil con Peter Punk. Ás 22:30 horas comezará a verbena fin de festa coa orquestra Trébol.
