O programa do ciclo de conferencias “O falar das pedras”, organizadas polo Arquivo Histórico e Biblioteca Municipal de Baiona, a través da Concellería de Cultura, ten como misión promocionar, divulgar e dar a coñecer o patrimonio material e inmaterial da Vila de Baiona. Devandito ciclo está centrado na presentación de libros e conferencias, especializadas en temática local sexa de temas puramente locais ou temas que dalgunha maneira inciden na vida cultural e patrimonial de Baiona, así como todas aquelas publicacións que fosen de interese literario realizadas por algún autor ou investigador local. A programación deste ano se levará a cabo todos os venres do mes de xuño, Mes dos Arquivos (9 xuño Día Internacional dos Arquivos), no edificio Multiusos Mercado de Sabarís, ás 20:00 horas.
O obxectivo de celebralo fóra do edificio do Arquivo Histórico e Biblioteca Pública Municipal é estender máis aló das súas paredes a cultura e Historia do municipio. Este ciclo que comeza en 2019 é consecuencia dunha nova realidade, cando no 2018, inaugúrase o novo edificio cuxa obra devolve o esplendor que no seu día posuía o antigo Hospital Sancti Spiritus. Unha obra de rehabilitación integral que redobra o valor cultural, arquitectónico e histórico da Vila, facendo gala do seu extraordinario labor no pasado, relevando a súa función asistencial, en foco cultural esencial, unificando neste emblemático edificio á Biblioteca Pública e Arquivo Histórico Municipal.
Programa:
- Venres 7 de xuño. “Buscando aos romanos en Galicia: pasado, presente e futuro da investigación arqueolóxica” por Erik Carlsson-Brandt Fontán. Doutor en arqueoloxía pola Universidade de Santiago de Compostela. Arqueólogo e investigador.
- Venres 14 de xuño. “Mercadorías, roteiros e barcos do último comercio mercante do porto de Baiona” por Rosa Villar Quinteiro. Doutora en Historia -especialidade Prehistoria e Arqueoloxía-. Directora da Casa da Navegación de Baiona.
- Venres 21 de xuño. “A desaparición do barrio da Palma. As consecuencias dunha guerra (1640-1668)” por Anxo Rodríguez Lemos. Doutor en Historia – Cronista Oficial da Vila.
- Venres 28 de xuño. “As Xurisdicións reais de Baiona durante a Guerra de Sucesión: Territorio, Vida e Persoas, 1700-1714” por Arturo Abad Pardo. Licenciado en Dereito e Historia, Máster en Técnicas Avanzadas de Investigación Histórica, Artística e Xeografía pola UNED, doutorando. Técnico de Administración Xeral – Urbanismo Concello da Coruña.
