O pasado mércores 16 de maio, tras recibir varias chamadas alertando dun vehículo que circulaba na A-55 (Vigo-Tui) en sentido Portugal, polo carril contrario cara Vigo á altura do km 29, en Tui, patrullas do Subsector de Tráfico da Garda Civil de Pontevedra cortaron a circulación ao fin de evitar unha posible colisión frontal.
O vehículo causou un accidente tras impactar lateralmente contra outro turismo que circulaba de maneira correcta, afortunadamente sen feridos abandonando a vía á altura de Tui, tras circular 3 quilómetros en sentido contrario. Unha patrulla do Destacamento de Tráfico do Porriño intercepta o vehículo, na localidade de Tui, o condutor, de 67 anos, presentaba síntomas de conducir baixo os efectos de bebidas alcohólicas, e na proba de alcol que se lle realiza cuadriplica a máxima permitida.
Por parte do GIAT (Grupo de Investigación de Accidentes de Tráfico) do Subsector de Tráfico de Pontevedra, procédese á súa investigación por dous delitos contra a seguridade viaria, ao circular en sentido contrario e superar as taxas de alcoholemia legalmente establecidas. As dilixencias entréganse no Xulgado de Garda de Tui.
Desde o Subsector de Tráfico de Pontevedra quérese agradecer a todos os cidadáns, así como aos usuarios que circulan polas diferentes vías, a colaboración que realizan ao advertir coas súas chamadas de todas aquelas conducións irregulares que observen, xa que pode con iso evitarse situacións de risco para a seguridade viaria, como este caso que se logrou evitar un accidente que puido chegar a ter fatais consecuencias.
