O barrio de Prado, na parroquia gondomareña de Morgadáns, celebra as grandes festas na honra de San Xosé, San Antón e a Virxe da Soidade.
O martes 30 de abril a programación comezará cunha verbena coas orquestras Kubo e Compostela e, ao finalizar, a actuación de DJ Fredo. O mércores 1 de maio ás 12:00 do mediodía celebrarase a Santa Misa seguida de procesión acompañada pola banda de música Unión Musical de Guláns, que ofrecerá un concerto ás 21:00 horas. A partir das 13:00 horas darán comezo as tradicionais “poxas”, e pola noite a verbena estará amenizada pola banda de música Unión Musical de Guláns e o trío Rever.
O sábado día 4 de maio a verbena correrá a cargo da orquestra Los Players e o grupo La Banda de Ayer. O domingo 5 ás 13:15 horas celebrarase a Santa Misa seguida de procesión acompañada pola charanga Os Imperiais, que ofrecerá un concerto ao finalizar. Pola noite, a verbena coas charangas Os Imperiais e Alecrins poñerá punto final aos festexos.
