A Federación de Persoas Xordas de Galicia (FAXPG) ofrece o curso en liña de Nivel A1.1. de Lingua de Signos Española. O curso está dirixido a persoas maiores de 16 anos e consta dun total de 30 horas de formación totalmente en liña e adaptado ao Marco Común Europeo de Referencia para as Linguas (MCER).
A formación desenvolverase do 10 de xuño ao 11 de xullo de 2024. A inscrición pode realizarse de forma en liña a través do formulario da web de FAXPG, e o prazo de matrícula finalizará o 3 de xuño ou ata esgotar o límite de prazas dispoñibles.
Ao completar o curso entregarase un certificado homologado pola Confederación Estatal de Persoas Xordas (CNSE) que acredita as 30 horas de formación. Para calquera consulta relacionada, os interesados poden poñerse en contacto a través do email lsecursos@faxpg.es.
