Lucenza – Ateneo de Nigrán organiza este xoves 25 de abril, no Auditorio municipal de Nigrán, un acto de conmemoración do 50 aniversario da “Revolução dos Cravos”. As actividades comezarán ás 19:00 horas coa proxección da película documental “25 de Abril de 1974, Quinta-feira”. Ás 20:00 horas comezará o acto central, no que se irán intercalando diferentes intervencións, audiovisuais, recitados de poesía e un concerto de cancións portuguesas a cargo do músico Xoán López. Lucenza convida a toda a veciñanza do Val Miñor a achegarse ao acto, que vai rematar co canto do “Grândola, vila morena” por parte de todos os asistentes.
Lucenza conmemora o 50 aniversario do 25 de abril portugués cun acto-concerto
