A Comisión de Festas de Camos e Cam Art Prods organizan o vindeiro sábado 16 de marzo o Cam Art Festival, un evento para os amantes do reggae, hip-hop e dancehall, que comezará ás 16:00 horas na Asociación de Veciños de Camos.
O cartel está encabezado polo grupo baionés Ganjahr Family, o rapeiro pontevedrés Soulmacklein (Delahoja) e o cantante navarro afincado en Sanxenxo Crespo El Santo. DJ Limbo será o encargado da opening session e DJ Mil da closing session.
O Cam Art Festival incluirá actividades paralelas como grafiti en vivo a cargo do gondomareño Gory e un espectáculo de lume. As entradas anticipadas están á venda en liña por 7 euros. O prezo en despacho de billetes será de 10 euros. Haberá comida a prezos populares.
