Para celebrar o 8 de marzo, Día Internacional da Muller Traballadora, o BNG de Gondomar convoca a todas as persoas interesadas a participar nun café feminista que se desenvolverá este xoves 7 de marzo ás 20:00 horas no Café Keik de Gondomar (Rúa das Ánimas, 10).
O tema sobre o que se falará será “A fenda salarial”, un concepto tanxible que, na súa fría matemática, pon en evidencia que as desigualdades entre homes e mulleres non só non desaparecen, senón que, mesmamente, nalgúns aspectos, coma o salarial, agrándanse.
Neste encontro-café contarán con Ester Mariño, técnica de Igualdade da CIG na comarca de Vigo e responsable da Secretaría das Mulleres nesta comarca.
