O 112 Galicia rexistrou esta mañá un accidente en Nigrán no que foi necesaria a intervención dos bombeiros para facilitar o acceso a unha persoa ferida, que foi trasladada consciente, malia a necesidade de ser rescatada polos bombeiros. Os membros do GES do Val Miñor descartaron cortar os ferros, pero si axudaron á persoa a saír do coche, que saíu da vía e envorcou na PO-332, na Rúa dos Pazos. A ferida estaba consciente, pero tiña unha lesión na cadeira. Do mesmo xeito, interviñeron un equipo de Urxencias Sanitarias de Galicia-061 e os axentes da Policía Local e Garda Civil de Tráfico.
Unha persoa queda atrapada no seu vehículo tras envorcar en Nigrán
