O pasado venres, 12 de xaneiro, volveron os bingos de O Carme Baiona ao Liceo Marítimo. Coa chegada do inverno adiantaron o seu comezo ás 22:00 horas.
Cada semana reparten de forma gratuíta ata sete premios de asistencia, seis idénticos para os primeiros bingos e un especial para o último bingo da noite. Entre os agasallos especiais destacan vales de almorzo, comidas e ceas para dúas ou catro persoas no Liceo, no Central Park, no Abrente, ou no seu novo local colaborador, o Telepizza Baiona.
Agora, coa chegada de febreiro xa teñen preparada algunha que outra sorpresa. As persoas que asistan ao bingo deste venres poderán participar e apuntarse ao sorteo para gañar un premio moi especial con motivo da celebración do día de San Valentín o próximo 14 de febreiro.
