A Plataforma en Defensa da Sanidade Pública do Val Miñor, que forma parte de SOS Sanidade Pública, apoia a convocatoria da Manifestación na Defensa e Mellora da Sanidade Pública, baixo o lema de ¡¡Pola Sanidade que queremos e merecemos!!, que se vai celebrar o próximo domingo 4 de febreiro, ás 12:00 do mediodía, desde a Alameda de Santiago de Compostela.
E porque sobran os motivos invitan á cidadanía do Val Miñor a participar masivamente na manifestación. Poñeranse autobuses para facilitar o desprazamento. Nos próximos días trasladarán información sobre a reserva de prazas e os puntos de saída desde os tres concellos do Val Miñor.
“A presión social é a única forma de conseguir un cambio nas políticas sanitarias que beneficien á cidadanía. De nós depende”, sinalan desde a Plataforma en Defensa da Sanidade Pública do Val Miñor.
