Este pasado sábado tivo lugar o primeiro Campionato de preselección provincial libre, de Pontevedra e Ourense, en patinaxe artística sobre rodas. Nesta ocasión tivo o seu arranque no Pavillón Cándido Carrera en Salvaterra ás 10:30 da mañá cos deportistas xuvenís.
Esta preselección de patinadores filtra para o seu ascenso a primeira categoría, onde o Club de Patinaxe Artística Gondomar estivo representado polos cadetes África Koklar, Luis Cedeira e Carla Gilsanz, posicionándose os dous últimos en primeira posición, Luis Cedeira en masculino cunha puntuación de 14,81 e Carla Gilsanz en feminino con 31,04.
Os gondomareños representaron os seus programas con destreza e velocidade, acompañados polo seu adestrador David Figueroa Pérez. Esta preselección anual transcorreu para Pontevedra e Ourense ata finalizar ás 18:30 horas da tarde coa categoría cadete.
