A Liga de Outono Gestilar J80 vivirá este sábado o seu desenlace en Baiona. A competición de monotipos que desde o pasado mes de outubro organiza o Monte Real Club de Yates co patrocinio da promotora inmobiliaria Gestilar, chega ao seu fin tras tres meses de probas coa celebración das tres últimas mangas programadas. A partir das tres da tarde, a vintena de monotipos que se disputan a liguiña de monotipos sairán á auga nunha xornada que se prevé algo complicada por un vento que, segundo as previsións neste momento, anúnciase escaso e variable, nun día de sol e temperaturas frías.
Na cabeza do campionato, con moi boas actuacións en todas as regatas celebradas, atópase o Solventis Ribadeo liderado por Roberto Bermúdez de Castro. Ten 10 puntos, 5 máis que o seu rival máis directo, o Picacho de Miguel Viejo, que ostenta a prata provisional con 15 puntos. A apenas un punto de distancia, con 16, aparece o terceiro clasificado, o Cansino, de Alejandra Suárez; e con 17, séguelle o Grupo Puma, de Javier Martínez Valente. O Top 5 de J80 con mellores resultados péchao o outro barco liderado por unha muller, o Ferralemes de Rosario García, con 18 puntos.
O pistoletazo de saída da que será última etapa de competición escoitarase, se a méteo permíteo, ás tres da tarde. Hai programadas tres probas e poderase dar saída ás mesmas ata aproximadamente as cinco da tarde, unha hora antes de que se poña o sol en Baiona. Unha vez finalice a competición na auga, as tripulacións reuniranse nas instalacións do Monte Real Club de Yates para a cerimonia de entrega de premios e unha cea de confraternización que o club ofrece a todas as tripulacións.
