Como vén sendo tradicional o Partido Popular de Gondomar celebrará a súa comida de Nadal este domingo 3 de decembro ás 14:00 horas. O evento, ao igual que o ano pasado, terá lugar no Restaurante Moisés e o menú estará composto de sopa, empanada, cocido, bebida, sobremesa e café, cun prezo establecido en 20 euros para maiores e 10 euros para os nenos. O evento estará amenizado polo Trío Nostalgias e haberá inchables para os máis pequenos, así como sorteo de regalos entre todos os asistentes.
Desde o Partido Popular animan aos afiliados e simpatizantes a participar nesta comida, nun ambiente animado e que serve ao PP gondomareño para agradecer a todos o apoio nas pasadas eleccións municipais e ao mesmo tempo desexar unhas boas festas de Nadal e coa esperanza dun mellor aninovo. Para os que desexen aínda están a tempo de anotarse no teléfono 679724004.
