O Concello de Gondomar acenderá o seu Nadal o domingo 3 de decembro. A ilumninación deste ano dará cor a máis de 20 rúas, así como tres prazas e diferentes elementos situados por toda a vila. Un ano máis un dos principais atractivos desta decoración será a árbore vermella que se sitúa na entrada de Gondomar, e que é xa un elemento característico do Nadal gondomareño. Serán máis de 10.000 luces led as que decoren este elemento.
O epicentro do acto de acendido do Nadal de Gondomar terá lugar na Praza Paradela, onde ademais da tradicional conta atrás previa ao acendido haberá a partir das 16:30 horas tres obradoiros infantís, un de adobíos de Nadal, outro de caixas sorpresas feitas con materiais reciclados e outro de xogos populares.
Como novidade haberá un photocall onde todo aquel que se faga unha foto, poderá levar un calendario personalizado de recordo.
