O Concello de Nigrán agasallou ao CEE de Panxón con dous composteiros solicitados desde este centro educativo para levar adiante o programa “Mestres Gandeiros” encadrado no Plan Proxecta da Consellería de Educación. Concretamente, permitirá ao alumnado mellorar a xestión da materia orgánica do seu horto escolar, reutilizando no mesmo o compost xerado. O Concello achegou tamén un revolvedor e un termómetro para optimizar o proceso de compostaxe, función da que se encarga de xeito directo o alumado deste centro educativo dedicado a persoas con trastornos graves de conduta procedentes de toda Galicia e que están aquí en réxime de internado. Unha das particularidades deste centro, Premio Nigrán ao “Mérito Educativo 2018”, é precisamente que traballa só por proxectos, non a través de libros de texto.
Nigrán achega dous composteiros ao CEE de Panxón para o seu programa “Mestres Gandeiros”
