Un accidente entre dous turismos deixa dúas persoas feridas en Nigrán. Os membros dos GES de Val Miñor excarceraron a unha das vítimas tras quedar atrapada no interior dun dos vehículos implicados.
Sucedeu sobre as catro e media desta tarde cando os vehículos circulaban ao seu paso por Nigrán, pola EP-2102, punto quilométrico 4, á altura de Camos. Foi a Policía Local quen, a esa hora, informou ao 112 Galicia dun choque entre dous turismos na estrada que unes Camos e Vincios e, posiblemente, cunha persoa atrapada.
Desde o 112 Galicia pasouse aviso ao Servizo de Urxencias Sanitarias de Galicia-061, aos Bombeiros do Porriño, de Vigo e aos membros do GES de Val Miñor. Tamén foron informados os axentes de Tráfico e os efectivos da Agrupación de Voluntarios de Protección Civil da localidade.
Unha vez no punto, os membros do GES confirmaron ao 112 a excarceración dunha das persoas que resultaran feridas.
