A forte ondada dos últimos días danou o muro de contención da rúa Tomás Mirambell, en Nigrán. A acción da auga provocou a caída de parte da construción que sostén a estrada que une Patos e Panxón, podéndose ver dous grandes buracos baixo o paseo de madeira da Madorra e multitude de pedras caídas sobre o areal. A pasarela peonil foi acordoada na zona sobre a que se atopan as fochas.
