Un incendio deixou danos considerables nunha casa de dous andares, na parroquia de Borreiros, en Gondomar, sen que se tivesen que lamentar danos persoais.
Segundo a información facilitada ao 112 Galicia polos axentes da Garda Civil, o lume calcinou por completo o primeiro andar da vivenda, aínda que non houbo que lamentar danos persoais, nin tampouco ás vivendas contiguas.
Foi a chamada dun particular ao 112 Galicia, a que alertaba de que estaba a arder unha habitación da vivenda. Os feitos ocorreron ao fío das 16:30 horas, no lugar A Bandeira.
Desde o 112 Galicia informouse de inmediato aos Bombeiros de Vigo e do Porriño, ao GES de Val Miñor, aos axentes da Garda Civil, á Policía Local e aos membros de Protección Civil de Val Miñor.
Os servizos de emerxencia, unha vez controladas as lapas e sufocado o incendio, confirmaron ao 112 Galicia que ardeu por completo o primeiro andar da casa.
