Este sábado 14 de outubro, o Club de Patinaxe Artística Gondomar tivo a súa representación na segunda fase autonómica da Categoría Rexional, conseguindo subir ao alto do podio en Noia Luis Cedeira, co seu programa curto individual e cunha puntuación 16.05. A patinadora África Koklar conseguiu o cuarto posto na súa categoría cunha puntuación de 19,56 puntos.
Os deportistas estiveron acompañados do seu equipo técnico, destacando ao seu adestrador e coreógrafo David Figueroa, quen os acompañou integramente ata a finalización da proba. A competición foi organizada polo Club Patín Noia e desenvolveuse no Pavillón Agustín Mourís, comezando os adestramentos “contacto pista” da categoría alevín ás 10:000 da mañá do sábado e finalizando a competición en horario de tarde coa categoría cadete.
